Azərbaycanda iki audit şirkətinin fəaliyyəti dayandırıldı – Adları açıqlanıb1business.media xəbər verir ki, Azərbaycanda daha iki audit şirkətinin fəaliyyəti müvəqqəti olaraq dayandırılıb.
Azərbaycan Auditorlar Palatasının açıqladığı məlumata əsasən, fəaliyyəti dayandırılan şirkətlər “Audit Reports and Consulting” MMC və “Audit and Assurance Center” MMC-dir.
Şirkətlər niyə fəaliyyətini dayandırıb?
“Audit Reports and Consulting” MMC-nin fəaliyyəti direktor Ceyhun Qaflanovun 20 oktyabr 2026-cı il tarixli müraciəti əsasında dayandırılıb.
Şirkətə 6 avqust 2025-ci ildə auditor fəaliyyəti üçün lisenziya verilib. Lisenziya 2030-cu il avqustun 6-dək qüvvədədir.
Digər şirkət – “Audit and Assurance Center” MMC-nin fəaliyyəti isə direktor Fərid Osmanovun 30 oktyabr 2026-cı il tarixli ərizəsi əsasında müvəqqəti dayandırılıb.
Şirkətlər nə vaxt yaradılıb?
“Audit and Assurance Center” MMC 8 iyun 2026-cı ildə dövlət qeydiyyatına alınıb. Şirkətə həmin il iyunun 16-da auditor fəaliyyəti üçün lisenziya verilib. Lisenziyanın müddəti 2031-ci il iyunun 16-dək müəyyən edilib.
Beləliklə, şirkət lisenziya aldıqdan təxminən dörd ay yarım sonra fəaliyyətini dayandırıb.
Qeyd edək ki, hər iki şirkətin fəaliyyəti rəhbərlərinin müraciəti əsasında müvəqqəti dayandırılıb. Bu, lisenziyaların ləğv edilməsi demək deyil.
