Dollar əmanətlərində ən yüksək faiz hansı bankdadır? – Noyabrın siyahısıAzərbaycanda dollarla əmanət yerləşdirmək istəyənlər üçün bankların noyabr ayına aid faiz təklifləri açıqlanıb. İllik gəlirlilik baxımından ən yüksək faiz təklif edən bank AFB Bankdır.
1business.media xəbər verir ki, Banco.az-ın bankların təklifləri əsasında apardığı araşdırmaya görə, dollar əmanətlərində faiz dərəcələri müddətdən və faizlərin ödənilmə qaydasından asılı olaraq dəyişir.
Banco+1
Cədvələ əsasən, 12 aylıq əmanətlərdə AFB Bank müddətin sonunda faiz ödənişi şərti ilə illik 5%, aylıq ödənişlə isə 4,5% təklif edir. Bu bank 18 aylıq dollar əmanətlərində də 5 faizlik göstərici ilə liderdir.
Digər müddətlər üzrə yüksək faiz təklifləri belədir:
- 6 ay: AFB Bank – 3,5%;
- 9 ay: AFB Bank – 4%;
- 24 ay: AFB Bank – 4,5%;
- 36 ay: AFB Bank – 4,5%.
12 aylıq əmanətlər üzrə “Unibank”da illik faiz müddətin sonunda ödənildikdə 4,5%, “Bank of Baku”da isə 3,75% təşkil edir. ABB və “AccessBank”ın təklifi 3,5%-dir.
Əmanətlərin sığortalanması ilə bağlı vacib məqam: Xarici valyutada qorunan əmanətlər üçün illik faiz həddi 2,5%-dir. Bu həddən yüksək faizlə yerləşdirilən dollar əmanətləri Əmanətlərin Sığortalanması Fondunun qorumasına daxil deyil.
