Azərbaycanın İsveçrəyə ixracı 32 faiz artıb, Ukraynaya satışlar azalıb
1business.media xəbər verir ki, 2026-cı ilin yanvar-sentyabr aylarında Azərbaycanın İsveçrəyə qeyri-neft məhsulları ixracı 32,3 faiz artaraq 327,9 milyon ABŞ dollarına çatıb.
Ötən ilin eyni dövründə İsveçrəyə qeyri-neft ixracının dəyəri 247,8 milyon dollar olub. Bu il göstərici 80,1 milyon dollar artıb.
Ukraynaya ixracda isə azalma qeydə alınıb. Hesabat dövründə bu ölkəyə 121,2 milyon dollar dəyərində qeyri-neft məhsulları göndərilib. Ötən ilin eyni dövründə göstərici 147,3 milyon dollar təşkil edib.
Beləliklə, Ukraynaya ixrac 26,1 milyon dollar azalıb.
Yanvar-sentyabr aylarında Azərbaycanın qeyri-neft ixracında Rusiya 881,4 milyon dollarla birinci, Türkiyə 475,2 milyon dollarla ikinci, Gürcüstan 443 milyon dollarla üçüncü, İsveçrə 327,9 milyon dollarla dördüncü, Ukrayna isə 121,2 milyon dollarla beşinci yerdə qərarlaşıb.
