BAZARLAR
Brent —
Qızıl —
Uçot dərəcəsi —
USD/AZN —
EUR/AZN —
İnvestisiya

Azərbaycanda 10 ayda pensiyalara 6,5 milyard manat xərclənib Azərbaycanda 2026-cı ilin yanvar-oktyabr aylarında pensiya ödənişlərinə 6 milyard 527 milyon manat vəsait ayrılıb. 1business.media xəbər verir ki, bu məbləğ ötən ilin eyni dövrü ilə müqayi

 Azərbaycan və Britaniya qarşılıqlı investisiyaları artıracaq – Yeni razılaşma imzalandı
Azərbaycan və Böyük Britaniya iqtisadi əməkdaşlığı genişləndirmək, qarşılıqlı investisiyaları artırmaq və yeni biznes layihələrini təşviq etmək barədə razılığa gəlib.
 
1business.media xəbər verir ki, noyabrın 12-də İrlandiyanın Dublin şəhərində Azərbaycan Prezidenti İlham Əliyev və Böyük Britaniyanın Baş naziri Endi Börnhəm iki ölkə arasında Strateji Tərəfdaşlıq haqqında Birgə Bəyannamə imzalayıblar.
 
Razılaşmaya əsasən, tərəflər bir sıra istiqamətlərdə əməkdaşlığı genişləndirməyi planlaşdırır.
 
İnvestisiyalar hansı sahələrə yönələcək?
 
Sənəddə aşağıdakı sahələr prioritet kimi müəyyənləşdirilib:
- Bərpaolunan enerji layihələri;
- Nəqliyyat və logistika infrastrukturu;
- Maliyyə və kapital bazarları;
- Rəqəmsal texnologiyalar və innovasiya;
- Xidmət sektoru;
- Yaşıl maliyyələşmə və aşağı karbon texnologiyaları.
Tərəflər Orta Dəhlizin inkişafına dəstək vermək, yükdaşımaları və regional ticarət əlaqələrini genişləndirmək niyyətindədirlər.
 
Britaniya şirkətləri Azərbaycanda daha fəal olacaq
 
Razılaşma çərçivəsində Britaniya şirkətlərinin Azərbaycanda, Azərbaycan şirkətlərinin isə Böyük Britaniyada fəaliyyətinin genişləndirilməsi nəzərdə tutulur.
 
Kiçik və orta sahibkarlığın inkişafı, ticarətin maliyyələşdirilməsi və beynəlxalq bazarlara çıxış imkanlarının artırılması da əməkdaşlığın əsas istiqamətlərindəndir.
 
Sənədə əsasən, iki ölkə strateji tərəfdaşlıq üzrə hər il görüş keçirərək əldə olunan razılaşmaların icrasını qiymətləndirəcək.
Xəbər maraqlı gəlib? Sosial şəbəkələrdə paylaşın
Qaynar xətt: (051) 300 05 05