Əmanətlərin ən çox toplandığı 5 region – SİYAHI
1business.media xəbər verir ki, 2026-cı il sentyabrın 30-na Azərbaycanda banklara yerləşdirilən əmanətlərin ümumi həcmi 18 milyard 840,2 milyon manat təşkil edib. Əmanətlərin böyük hissəsi Bakı şəhərinin payına düşüb.
Bakı şəhərində bank əmanətlərinin həcmi 16 milyard 579,2 milyon manat olub. Bu, ölkə üzrə ümumi əmanətlərin təxminən 88 faizini təşkil edir.
Ən çox bank əmanəti olan digər regionlar isə belədir:
Abşeron-Xızı iqtisadi rayonu – 697,7 milyon manat
Gəncə-Daşkəsən iqtisadi rayonu – 304,8 milyon manat
Quba-Xaçmaz iqtisadi rayonu – 183,6 milyon manat
Lənkəran-Astara iqtisadi rayonu – 171,6 milyon manat.
Əmanətlərin orta faiz dərəcəsi Bakı üzrə 5,10 faiz, Abşeron-Xızı üzrə 7,01 faiz, Gəncə-Daşkəsən üzrə 6,91 faiz, Quba-Xaçmaz üzrə 6,29 faiz, Lənkəran-Astara üzrə isə 5,96 faiz təşkil edib.
