Müflis sığorta şirkətləri üzrə 5,8 milyon manat ödəniş edilib
1business.media xəbər verir ki, Azərbaycanda indiyədək müflis elan edilmiş sığorta şirkətləri üzrə Zəmanət Fondundan 5,796 milyon manat ödəniş həyata keçirilib.
Bu barədə İcbari Sığorta Bürosunun Biznesin inkişafı departamentinin rəhbəri Xanım Camalova məlumat verib.
Ödənişlərin 5,485 milyon manatı “Standard İnsurance”, 311 min manatı isə “Alfa Sığorta” üzrə həyata keçirilib.
Qeyd edək ki, “Standard İnsurance” 29 iyul 2020-ci ildə, “Alfa Sığorta” isə 26 avqust 2016-cı ildə ləğv edilib.
