Azərbaycanda külək və günəş enerjisi istehsalı 46,5% artacaqAzərbaycanda külək və günəş elektrik stansiyalarında enerji istehsalının 2030-cu ilədək əhəmiyyətli dərəcədə artacağı proqnozlaşdırılır.
1business.media xəbər verir ki, 2027-ci ilin dövlət büdcəsi layihəsinə daxil edilmiş ortamüddətli proqnozlara əsasən, 2030-cu ildə bu stansiyalarda 4,4 milyard kilovat-saat elektrik enerjisi istehsalı gözlənilir.
2027-ci ildə isə istehsalın 3 milyard kilovat-saat səviyyəsində olacağı proqnozlaşdırılır. Beləliklə, 2030-cu ildə göstəricinin 46,5 faiz artacağı nəzərdə tutulur.
Proqnozlara görə, külək və günəş enerjisi istehsalı:
- 2027-ci ildə 3,009 milyard kilovat-saat;
- 2028-ci ildə 4,384 milyard kilovat-saat;
- 2029-cu ildə 4,414 milyard kilovat-saat;
- 2030-cu ildə 4,408 milyard kilovat-saat təşkil edəcək.
Energetika sektorunda yaşıl keçidin sürətləndirilməsi, yeni elektrik stansiyalarının yaradılması və enerji şəbəkəsinin müasirləşdirilməsi əsas hədəflər sırasındadır.
Proqnozlara əsasən, 2030-cu ilədək istilik elektrik stansiyalarında qaz istehlakının da 34,8 faiz azalması gözlənilir.
Azərbaycanın bərpa olunan enerji potensialından istifadə etməklə yaşıl enerji ixracının genişləndirilməsi də planlaşdırılır
