Azərbaycanda gələn il 6 milyon tondan çox neft məhsulu istehsal olunacaqAzərbaycanda 2027-ci ildə neft məhsullarının ümumi istehsalının 6 milyon 92,9 min ton olacağı proqnozlaşdırılır.
1business.media xəbər verir ki, bu göstərici 2027-ci ilin dövlət büdcəsi zərfində əksini tapıb.
Proqnozlara əsasən, sonrakı illərdə neft məhsullarının istehsalı belə olacaq:
- 2027-ci il – 6 milyon 92,9 min ton;
- 2028-ci il – 5 milyon 610,3 min ton;
- 2029-cu il – 6 milyon 92,9 min ton;
- 2030-cu il – 5 milyon 610,3 min ton.
2027-ci ildə avtomobil benzininin istehsalının 1 milyon 556,3 min ton, dizel yanacağının istehsalının isə 2 milyon 576,2 min ton olacağı gözlənilir.
2028-ci ildə benzin istehsalının 1 milyon 442,2 min tona, dizel istehsalının isə 2 milyon 388,8 min tona enəcəyi proqnozlaşdırılır.
Qeyd edək ki, Azərbaycanda neft məhsulları Heydər Əliyev adına Bakı Neft Emalı Zavodunda istehsal olunur. Hazırda müəssisədə yenidənqurma və modernləşdirmə işləri aparılır.
