Hərraclarda satılan ən bahalı avtomobillər – Qiymətlər milyonlarla ölçülürDünyanın ən bahalı avtomobilləri hərraclarda rekord qiymətlərə satılır. Nadir kolleksiya modelləri, məşhur yarış avtomobilləri və xüsusi istehsal nümunələri milyonlarla dollar dəyərində alıcı tapır.
1business.media xəbər verir ki, avtomobil hərracları tarixində ən yüksək satış qiymətlərindən biri 1955-ci il istehsalı olan Mercedes-Benz 300 SLR Uhlenhaut Coupé modelinə məxsusdur. Avtomobil 2022-ci ildə 135 milyon avroya satılıb.
Hərraclarda yüksək qiymətə satılan digər avtomobillər də diqqət çəkir:
- Mercedes-Benz W 196 R (1954) – 53,1 milyon dollar;
- Ferrari 250 LM (1964) – 36,1 milyon dollar;
- Ferrari Daytona SP3 (2025) – 26 milyon dollar;
- McLaren F1 (1994) – 25,3 milyon dollar;
- Gordon Murray S1 LM – 20,6 milyon dollar.
RM Sotheby's
2026-cı ildə isə 1964-cü il istehsalı Shelby Cobra Daytona Coupé ABŞ-da keçirilən hərracda 42,9 milyon dollara satılıb. Bu satış Amerika istehsalı avtomobillər üçün rekord hesab olunur.
Avtomobillərin qiymətinə onların istehsal sayı, tarixi, yarış uğurları, texniki xüsusiyyətləri və əvvəlki sahiblərinin kimliyi ciddi təsir göstərir.
Kolleksiyaçılar üçün belə avtomobillər sadəcə nəqliyyat vasitəsi deyil, nadir tarixi nümunələr hesab olunur.
