Azərbaycanda kartof çipsi istehsalı 13,3 faiz artıbAzərbaycanda kartof çipsi istehsalında artım qeydə alınıb. 2026-cı ilin yanvar-sentyabr aylarında ölkədə 2 591 ton kartof çipsi istehsal edilib.
1business.media xəbər verir ki, ötən ilin eyni dövründə bu göstərici 2 288 ton olub. Beləliklə, istehsal 303 ton və ya 13,3 faiz artıb.
Çips istehsalına yeni vergi təklif olunur
2027-ci ilin dövlət büdcəsi layihəsində kartof çipslərinin aksiz vergisinə cəlb edilməsi də nəzərdə tutulub.
Təklifə əsasən, yerli istehsal olunan çipslərin hər kiloqramına 1 manat aksiz vergisi tətbiq edilə bilər.
Yerli istehsal idxalı əvəz edə biləcəkmi?
Ölkədə çips istehsalı artsa da, bazarın tələbatının əhəmiyyətli hissəsi idxal hesabına qarşılanır. 2026-cı ilin ilk yarısında idxal yerli istehsaldan yüksək olub.
Qeyd edək ki, aksiz vergisi ilə bağlı dəyişiklik hələ təklif mərhələsindədir. Qəbul ediləcəyi təqdirdə, çips məhsullarının qiymətinə təsir göstərə bilər.
