ING: Azərbaycan Mərkəzi Bankı 2027-ci ildə də uçot dərəcəsini dəyişməyəcəkAzərbaycan Mərkəzi Bankının 2027-ci il ərzində uçot dərəcəsini 6,5 faiz səviyyəsində saxlaması gözlənilir.
1business.media xəbər verir ki, bu proqnoz Niderlandın maliyyə qrupu ING Group-un analitiklərinin qiymətləndirməsində əks olunub.
Analitiklərin gözləntilərinə əsasən, AMB 2027-ci ildə də mövcud faiz siyasətini davam etdirəcək. Bu müddətdə uçot dərəcəsinin 6,5 faiz səviyyəsində qalacağı proqnozlaşdırılır.
ING Group-un proqnozuna görə, 2028-ci ildə isə uçot dərəcəsi 50 baza bəndi azaldılaraq 6 faizə endirilə bilər.
Hazırda uçot dərəcəsi 6,5 faiz, faiz dəhlizinin aşağı həddi 5 faiz, yuxarı həddi isə 7,5 faiz təşkil edir.
Uçot dərəcəsi bank kreditləri, depozit faizləri və ölkədə pul-kredit siyasətinə təsir göstərən əsas göstəricilərdən biridir.
