Eden Agro” tələbələrə karyera imkanları barədə məlumat verib
1business.media xəbər verir ki, “Eden Agro” MMC Gəncə şəhərində “Gələcəyin karyerası” mövzusunda keçirilən regional tədbirdə iştirak edib.
Gəncə Heydər Əliyev Mərkəzində təşkil olunan tədbir Azərbaycan Dövlət Aqrar Universiteti, Elm və Təhsil Nazirliyi və Azərbaycan Tələbə Gənclər Təşkilatları İttifaqının birgə təşkilatçılığı ilə baş tutub.
Tədbir çərçivəsində keçirilən “İlk işə doğru: karyera imkanları və əmək bazarının tələbləri” adlı panel sessiyasında “Eden Agro” MMC-nin departament müdiri Anar Qədirov çıxış edib.
O, tələbələrlə müasir əmək bazarının tələbləri, mövcud karyera imkanları və işə qəbul prosesi barədə fikirlərini bölüşüb, gənclərə peşəkar fəaliyyətə başlamaqla bağlı tövsiyələr verib
