Rabitəbank Zəfər Gününə özəl biznes kampaniyasına başladı
1business.media xəbər verir ki, Rabitəbank 8 Noyabr – Zəfər Günü münasibətilə biznes müştəriləri üçün xüsusi kampaniyaya start verib. Kampaniya çərçivəsində biznes krediti rəsmiləşdirən sahibkarlar bir sıra bank xidmətlərindən 1 il müddətində ödənişsiz yararlana biləcəklər.
1 dekabr 2026-cı ilədək davam edəcək 44 günlük kampaniyaya ölkədaxili AZN köçürmələri, bankdaxili köçürmələr, nağdsız valyuta mübadiləsi və cari hesablardan nağd vəsaitin verilməsi xidmətləri daxildir. Sahibkarlar POS-terminallar üzrə aylıq xidmət haqqından da azad olunacaqlar.
Bank bildirir ki, kampaniya sahibkarların bank əməliyyatları üzrə xərclərini azaltmağa və qənaət olunan vəsaiti biznesin inkişafına yönəltməyə imkan verəcək.
