Azərbaycanda uşaqlar üçün 2,4 milyon manatlıq vaksin alınacaq1business.media xəbər verir ki, Azərbaycanda uşaqlar arasında yoluxucu xəstəliklərin qarşısının alınması məqsədilə 2 milyon 415 min 792 manat dəyərində vaksin satın alınacaq.
Satınalma müsabiqəsi Səhiyyə Nazirliyinin tabeliyində fəaliyyət göstərən “Səhiyyənin Təminat Mərkəzi” publik hüquqi şəxsi tərəfindən keçirilib.
2023–2027-ci illər üzrə uşaqlar arasında yoluxucu xəstəliklərin immunoprofilaktikasına dair proqram çərçivəsində təşkil olunan tenderin qalibi “Zeytun Pharmaceuticals” MMC olub.
Satınalmanın ehtimal olunan qiyməti 2 milyon 415 min 792 manat təşkil edib.
Tender sentyabrın 10-da elan olunub, təkliflərin qəbulu isə oktyabrın 8-də başa çatıb.
Vaksinlərin alınması uşaqlar arasında yoluxucu xəstəliklərə qarşı peyvəndləmə tədbirlərinin təmin edilməsi məqsədi daşıyır.
