Azərbaycanda doğuma görə müavinət ödənişləri 12 faiz artıb

 Azərbaycanda doğuma görə müavinət ödənişləri 12 faiz artıb

Azərbaycanda uşağın anadan olmasına görə valideynlərə verilən birdəfəlik müavinətlərin sayı artıb. 2026-cı ilin ilk 10 ayında bu ödənişlərin sayı ötən ilin eyni dövrü ilə müqayisədə 11,8 faiz çox olub.

1business.media xəbər verir ki, Dövlət Sosial Müdafiə Fondunun (DSMF) məlumatına əsasən, 2026-cı ilin yanvar-oktyabr aylarında 72 655 uşağın anadan olmasına görə valideynlərə birdəfəlik müavinət təyin edilərək ödənilib.

2025-ci ilin eyni dövründə isə bu göstərici 65 004 olub. Beləliklə, müavinət ödənişlərinin sayı bir il ərzində 7 651 artıb.

Qız və oğlan uşaqlarına görə ödənişlər

Bu ilin ilk 10 ayında doğulan uşaqlara görə müavinət ödənişlərinin bölgüsü belə olub:

Qız uşaqları – 34 038 nəfər;

Oğlan uşaqları – 38 617 nəfər.

Ötən ilin müvafiq dövründə 30 552 qız və 34 452 oğlan uşağının doğulmasına görə müavinət ödənilmişdi.

İllik müqayisədə qız uşaqlarına görə ödənişlərin sayı 3 486 və ya 11,4 faiz, oğlan uşaqlarına görə isə 4 165 və ya 12,1 faiz artıb.

Qeyd edək ki, uşağın anadan olmasına görə birdəfəlik müavinət valideynlərə ayrıca müraciət etmədən, proaktiv qaydada təyin olunur.