MİDA liftlərin təmirinə 1 milyon manat ayırır

1business.media xəbər verir ki, Mənzil İnşaatı Dövlət Agentliyinin tabeliyində fəaliyyət göstərən “MİDA” MMC yaşayış komplekslərində liftlərin təmiri, ehtiyat hissələri ilə təmin edilməsi və servis xidmətləri üçün 987 min 734 manat vəsait xərcləyəcək.

Xidmətləri “SVORD-A.A. SERVİCES” MMC həyata keçirəcək. Tərəflər arasında bununla bağlı razılaşma əldə olunub.

Layihə MİDA yaşayış komplekslərində liftlərin texniki vəziyyətinin yaxşılaşdırılmasına və nasazlıqların aradan qaldırılmasına yönəlib.