1business.media xəbər verir ki, dövlət qurumlarının balansında olan avtomobillər növbəti hərracda satışa çıxarılıb.
Hərrac 18 avqust 2026-cı il saat 10:00-da keçiriləcək. Satışa müxtəlif nazirlik, komitə və icra hakimiyyətlərinə məxsus xidməti avtomobillər təqdim olunub.
Siyahıda ən yüksək start qiyməti 18 min manat olan 2008-ci il buraxılışlı Toyota Land Cruiser Prado avtomobilinə aiddir. Avtomobil İqtisadiyyat Nazirliyinin tabeliyindəki Azərbaycan Biznesinin İnkişafı Fondunun balansındadır.
Ən aşağı qiymət isə 4 min manatdır. Bu qiymətə Nərimanov Rayon İcra Hakimiyyətinin balansındakı 2007-ci il buraxılışlı Nissan Maxima satışa çıxarılıb.
Hərracda 11 min manat start qiyməti ilə Hyundai Sonata, 9 500 manatla Toyota Camry, 9 min və 8 500 manatla iki Toyota Corolla, eləcə də müxtəlif Nissan Sunny avtomobilləri də yer alıb.
Avtomobillərin start qiymətləri 4 min manatdan 18 min manatadək dəyişir.
