Yelo Bank ağacəkmə aksiyasına qoşulub – 1 250 ağac əkilib
1business.media xəbər verir ki, Yelo Bank komandası Zəfər Günü ərəfəsində Azərbaycan Banklar Assosiasiyasının (ABA) təşkilatçılığı ilə keçirilən ağacəkmə aksiyasında iştirak edib.
Aksiya çərçivəsində Bakının Müşfiqabad qəsəbəsində 2 hektar ərazidə 1 250 Eldar şamı və zeytun ağacı əkilib.
Yelo Bank əməkdaşları ətraf mühitin qorunmasına və yaşıllıq sahələrinin artırılmasına yönələn təşəbbüsə öz töhfələrini veriblər.
Məlumata görə, ağacəkmə aksiyası 10 il ərzində 1 milyon ağacın əkilməsini hədəfləyir. Təşəbbüs artıq dördüncü ildir davam edir.
Yelo Bank bu təşəbbüsün bir hissəsi olmaqdan məmnunluğunu ifadə edib.
