BAZARLAR
Brent —
Qızıl —
Uçot dərəcəsi —
USD/AZN —
EUR/AZN —
Analitik

Neft və qızıl bahalaşdı – Dünya bazarlarında qiymətlər dəyişir

 Neft və qızıl bahalaşdı – Dünya bazarlarında qiymətlər dəyişir
Dünya əmtəə bazarlarında neft, qızıl və bir sıra sənaye metallarının qiymətlərində artım qeydə alınıb. Geosiyasi risklər və ABŞ-nin pul siyasəti ilə bağlı gözləntilər bazarlara təsir göstərir.
 
1business.media xəbər verir ki, noyabrın 11-də Brent markalı neftin bir barelinin qiyməti 0,78 faiz artaraq 92,20 dollara çatıb. WTI markalı neft isə 0,57 faiz bahalaşaraq 86,53 dollar olub.
 
Neft qiymətlərinin yüksəlməsinə Hörmüz boğazında təhlükəsizlik risklərinin davam etməsi təsir göstərir. ABŞ-də xam neft ehtiyatlarının həftəlik 9 milyon barel artması isə qiymət artımını məhdudlaşdıran amillərdəndir.
 
Qızıl əvvəlki ticarət sessiyasında təxminən 3 faiz ucuzlaşdıqdan sonra yenidən bahalaşıb. Qiymətli metalın bir troya unsiyası 0,3 faiz artaraq 4 043,62 dollara yüksəlib. Gümüşün qiyməti isə 1,7 faiz artaraq 52,38 dollar təşkil edib.
 
Avropada təbii qazın qiyməti 82-83 avro ətrafında dəyişir. Avropa İttifaqında qaz anbarlarının doluluq səviyyəsi 72,4 faizdir.
 
Sənaye metallarından misin bir tonunun qiyməti 13 679 dollara çatıb. Çində mis ehtiyatlarının son üç ilin minimumuna enməsi təkliflə bağlı narahatlıqları artırıb.
 
Kənd təsərrüfatı bazarında da qiymət artımı müşahidə olunur. Çikaqo birjasında soyanın buşeli 12,28 dollara, qarğıdalının buşeli isə 4,49 dollara yüksəlib.
Xəbər maraqlı gəlib? Sosial şəbəkələrdə paylaşın
Qaynar xətt: (051) 300 05 05