BYD satışlarını ardıcıl altıncı ay artırıb
1business.media xəbər verir ki, Çinin avtomobil istehsalçısı BYD satışlarını ardıcıl altıncı aydır artırır. Şirkətin oktyabr ayı üzrə nəticələri bunu göstərir.
2026-cı ilin oktyabrında BYD-nin minik avtomobillərinin satışı illik müqayisədə 11% yüksəlib. Şirkətin xarici bazarlara avtomobil tədarükü isə iki dəfədən çox artıb.
Reuters-in məlumatına görə, BYD oktyabrda 490 168 yeni enerjili avtomobil satıb. Xarici bazarlara tədarük 102,8% artaraq 170 194 avtomobilə çatıb.
Şirkətin Çindəki satışları isə güclü qiymət rəqabəti və zəif tələbat fonunda təzyiq altında qalır. Oktyabr göstəricilərində artımın əsas mənbəyi xarici bazarlara ixrac olub.
Digər Çin avtomobil istehsalçılarından Chery Automobile oktyabrda satışlarını 5%, ixracını isə 60% artırıb. Geely Automobile-ın xarici bazarlardakı satışları da iki dəfədən çox yüksəlib.
