Biznes planlama platforması 250 milyon dollar cəlb edib
Fransanın “Pigment” şirkəti yeni investisiya raundunda 250 milyon dollar maliyyələşmə əldə edib. Şirkətin qiymətləndirilməsi 2,3 milyard dollara çatıb.
1business.media Tech.eu-ya istinadən xəbər verir ki, raunda “Scaleup Europe Fund” rəhbərlik edib.
“Pigment” müəssisələrə maliyyə, əməliyyat və proqnozlaşdırma proseslərini vahid platformada planlaşdırmağa imkan verir.
Yeni vəsait tədqiqat və məhsul inkişafının sürətləndirilməsinə, həmçinin mühəndis komandasının genişləndirilməsinə yönəldiləcək.
