“SOCGOV 2026” beynəlxalq forumu çərçivəsində “AI4DOST Sosial Mükafatı 2026” müsabiqəsinin qaliblərinin mükafatlandırılması mərasimi keçirilib.
1business.media Əmək və Əhalinin Sosial Müdafiəsi Nazirliyinin məlumatına istinadən xəbər verir ki, müsabiqə beynəlxalq səviyyədə 4 kateqoriya, yerli səviyyədə isə 3 fərdi nominasiya üzrə təşkil olunub.
Mərasimdə 7 qalibə mükafatlar, finalçılara sertifikatlar təqdim edilib.
Tədbir zamanı nazir Anar Əliyev DOST Agentliyinin süni intellekt həlli SAİDA tərəfindən hazırlanmış simvolik xalçanı Türkiyənin əmək və sosial müdafiə naziri Vedat Işıkhana təqdim edib.
DOST İnklüziv İnkişaf və Yaradıcılıq Mərkəzinə də açılışının 5 illiyi münasibətilə Təşəkkür Sertifikatı verilib.
