Oktyabrın 23-də Xankəndidə keçirilən “SOCGOV 2026” beynəlxalq forumu çərçivəsində əmək və əhalinin sosial müdafiəsi naziri Anar Əliyev ikitərəfli görüşlər keçirib.
1business.media xəbər verir ki, Anar Əliyev Türkiyənin əmək və sosial müdafiə naziri Vedat Işıkhan və Özbəkistan Prezidenti yanında Milli Sosial Müdafiə Agentliyinin direktor müavini Sirojiddin Abdullayevlə görüşüb.
Görüşlərdə sosial müdafiə sahəsində əməkdaşlığın genişləndirilməsi, sosial xidmətlərin rəqəmsallaşdırılması, innovativ həllərin tətbiqi və təcrübə mübadiləsi məsələləri müzakirə olunub.
Tərəflər sosial xidmətlərin əlçatanlığının artırılması və vətəndaşlara göstərilən xidmətlərin keyfiyyətinin yüksəldilməsi istiqamətində birgə fəaliyyət imkanlarını nəzərdən keçiriblər.
