Statistika - 1Business.media – Son Xəbərlər, Azərbaycanda və Dünyada Ən Aktual Hadisələr https://1business.media/ Statistika - 1Business.media – Son Xəbərlər, Azərbaycanda və Dünyada Ən Aktual Hadisələr true https://1business.media/statistika/381-10-ilden-sonra-en-cox-teleb-gorecek-peseler-aciqlanib.html Tural Statistika Sun, 08 Nov 2026 15:39:27 +0400

10 ildən sonra ən çox tələb görəcək peşələr açıqlanıb

Qarşıdakı 10 ildə əmək bazarında bəzi peşələrə tələbatın əhəmiyyətli dərəcədə artacağı gözlənilir. Mühəndislik, maşınqayırma, tibb və kibertəhlükəsizlik sahələri gələcəyin perspektivli istiqamətləri sırasında göstərilir.

1business.media xəbər verir ki, Rusiya Hökuməti yanında Maliyyə Universitetinin dosenti Balınin TASS-a açıqlamasında növbəti onillikdə daha çox ehtiyac duyulacaq mütəxəssislərin adlarını açıqlayıb.

Onun sözlərinə görə, mühəndislər, maşınqayırma konstruktorları və tornaçılar əmək bazarında tələbat görəcək peşələr arasındadır.

Tibb və kibertəhlükəsizlik mütəxəssislərinə ehtiyac artacaq

Gələcəkdə dar ixtisas üzrə çalışan tibb işçilərinə, kibertəhlükəsizlik və dələduzluğa qarşı mübarizə üzrə mütəxəssislərə də ehtiyacın artacağı proqnozlaşdırılır.

Dosent bildirib ki, əmək bazarında yalnız bir sahəni bilən deyil, geniş dünyagörüşünə və bir neçə istiqamət üzrə yüksək bacarıqlara malik mütəxəssislər daha çox tələb görəcəklər.

Bu proqnozlar qarşıdakı illərdə peşə seçimi edən gənclər üçün də əhəmiyyət daşıyır.

]]> true https://1business.media/statistika/376-qizilin-qiymeti-son-18-ilin-en-keskin-ayliq-enisini-yasayib.html Tural Statistika Sun, 08 Nov 2026 11:39:19 +0400

Qızılın qiyməti son 18 ilin ən kəskin aylıq enişini yaşayıb

Dünya bazarında qızılın qiyməti oktyabr ayında kəskin ucuzlaşıb. Qiymətli metalın dəyərində baş verən geriləmə 2008-ci il maliyyə böhranından bəri oktyabr ayları üzrə ən ciddi eniş kimi qiymətləndirilir.

1business.media xəbər verir ki, Dünya Qızıl Şurasının məlumatına görə, oktyabrda qızılın bir troya unsiyasının qiyməti 3 913 dollara düşüb. Bu, aylıq müqayisədə 6,3 faiz azalma deməkdir. Digər bazar məlumatlarında eniş 7 faizdən çox göstərilir.

Qiymətlərin aşağı düşməsinə bir neçə amil təsir edib:

- ABŞ Federal Ehtiyat Sisteminin faiz dərəcələrini artıracağı ilə bağlı gözləntilər;

- Neft qiymətlərinin yüksəlməsi və inflyasiya narahatlığı;

- İnvestorların qızıldan çıxaraq istiqrazlara yönəlməsi;

- Bazarda spekulyativ mövqelərin azaldılması.

Oktyabrın 30-da qızıl fyuçerslərinin qiyməti bir troya unsiyası üçün 3 876 dollara qədər geriləyib.

Mütəxəssislərin fikrincə, faiz dərəcələrinin yüksəlməsi ehtimalı gəlir gətirməyən aktiv olan qızıla tələbi zəiflədir. Bu da qiymətli metalın bazar dəyərinə təzyiq göstərir.

]]> true https://1business.media/statistika/367-neqsol-holding-sehid-aileleri-ve-qaziler-ucun-150-min-manat-iane-edib.html Tural Statistika Sat, 07 Nov 2026 17:00:56 +0400

NEQSOL Holding şəhid ailələri və qazilər üçün 150 min manat ianə edib

NEQSOL Holding “YAŞAT” Fondu ilə birgə şəhid ailələrinin və müharibə ilə əlaqədar əlilliyi olan şəxslərin dəstəklənməsi məqsədilə xeyriyyə turniri təşkil edib.

1business.media xəbər verir ki, “YAŞAT Kuboku” adlanan intellektual yarış “Nə? Harada? Nə zaman?” oyunu formatında keçirilib.

Turnirdə 32 komanda üzrə 200-dək iştirakçı mübarizə aparıb. Yarışda holdinqin tərkibindəki şirkətlərin, “YAŞAT” Fondunun, digər təşkilatların əməkdaşları və fərdi iştirakçılar yer alıblar.

Tədbirin əsas məqsədi şəhid ailələrinə və müharibə ilə əlaqədar əlilliyi olan şəxslərə sosial dəstək göstərilməsi üçün ianə toplamaq olub. İştirakçı şirkətlər tərəfindən “YAŞAT” Fonduna ümumilikdə 150 min manat vəsait köçürülüb.

Komandalar 48 sualı cavablandırıblar. Yarışın sonunda qaliblər medal və sertifikatlarla təltif olunub, birinci yeri tutan komandaya isə “YAŞAT Kuboku” təqdim edilib.

NEQSOL Holding-in məlumatına görə, 2021-ci ildən indiyədək holdinqə daxil olan şirkətlər tərəfindən “YAŞAT” Fonduna ümumilikdə 4 milyon manat ayrılıb. Bu əməkdaşlıq çərçivəsində 5 mindən çox şəxsə dəstək göstərilib. 2026-cı ildə yardım alanların sayı 2 500-ə yaxın olub.

]]> true https://1business.media/statistika/365-sahdenizde-hasilat-azalacaq-2027-ci-il-ucun-proqnoz-aciqlandi.html Tural Statistika Sat, 07 Nov 2026 16:59:12 +0400

“Şahdəniz”də hasilat azalacaq: 2027-ci il üçün proqnoz açıqlandı

Gələn il Azərbaycanın ən böyük qaz yataqlarından biri olan “Şahdəniz”də həm təbii qaz, həm də kondensat hasilatının azalacağı gözlənilir.

1business.media xəbər verir ki, 2027-ci ilin dövlət büdcəsi zərfində əks olunan proqnoza əsasən, yataqda kondensat hasilatı 0,5 milyon barel və ya 1,7 faiz, təbii qaz hasilatı isə 0,2 milyard kubmetr və ya 0,7 faiz azalacaq.

Sənədə görə, 2027-ci ildə “Şahdəniz” layihəsi üzrə mənfəət vergisi daxilolmalarının 1 milyard 420 milyon manat olacağı proqnozlaşdırılır. Bu, 2026-cı ilin gözləntiləri ilə müqayisədə 180 milyon manat və ya 11,3 faiz azdır.

Vergi daxilolmalarının azalması yalnız hasilatın aşağı düşməsi ilə əlaqələndirilmir. Təbii qazın Avropa HUB bazarında qiymətinin də cari il üçün nəzərdə tutulan göstəricidən 30 dollar və ya 6,8 faiz aşağı götürülməsi bu proqnoza təsir göstərib.

2026-cı ildə yataq üzrə 30,3 milyon barel kondensat və 26,9 milyard kubmetr qaz hasilatı gözlənilir.

Bu ilin yanvar-sentyabr aylarında “Şahdəniz Alfa” və “Şahdəniz Bravo” platformalarından ümumilikdə təxminən 20 milyard standart kubmetr qaz və 21 milyon barel kondensat hasil edilib. Ötən ilin eyni dövrü ilə müqayisədə qaz hasilatı 5 faiz, kondensat hasilatı isə 12,5 faiz azalıb.

Hazırda yatağın mövcud qurğularının illik qaz hasilatı gücü 28,8 milyard kubmetr təşkil edir.

]]> true https://1business.media/statistika/274-azerbaycanda-pul-bazasi-25-milyard-manati-otub.html Tural Statistika Tue, 03 Nov 2026 15:55:43 +0400

Azərbaycanda pul bazası 25 milyard manatı ötüb

1business.media xəbər verir ki, 2026-cı il oktyabrın sonunda Azərbaycanda pul bazası 25 milyard 146,1 milyon manata çatıb.

Azərbaycan Mərkəzi Bankının məlumatına görə, bu göstərici sentyabrın sonu ilə müqayisədə 1,3 faiz artıb.

İlin əvvəlindən pul bazası 11,9 faiz, son 12 ay ərzində isə 17,5 faiz yüksəlib. Ötən ilin oktyabr ayının sonunda pul bazası 21 milyard 395,1 milyon manat təşkil edib.

Beləliklə, bir il ərzində ölkədə pul bazası təxminən 3 milyard 751 milyon manat artıb.

]]> true https://1business.media/statistika/270-kreditlerden-en-cox-gelir-elde-eden-banklar-aciqlanib.html Tural Statistika Tue, 03 Nov 2026 15:05:30 +0400

Kreditlərdən ən çox gəlir əldə edən banklar açıqlanıb

1business.media xəbər verir ki, 2026-cı ilin ilk 9 ayında Azərbaycanda fəaliyyət göstərən bankların müştərilərə verdiyi kreditlər üzrə faiz gəlirləri açıqlanıb.

Renkinqə 812 milyon 439 min manat faiz gəliri ilə Kapital Bank başçılıq edib. İkinci sırada 733 milyon 576,1 min manat gəlirlə ABB, üçüncü yerdə isə 244 milyon 286 min manatla PAŞA Bank qərarlaşıb.

İlk beşlikdə Bank Respublika 215 milyon 294,4 min manat, Unibank isə 208 milyon 746 min manat kredit faiz gəliri ilə yer alıb.

Sonrakı pillələrdə AccessBank – 205,4 milyon manat, Bank of Baku – 150,5 milyon manat, Yelo Bank – 143,8 milyon manat, Xalq Bank – 118,1 milyon manat və Rabitəbank – 108,1 milyon manat göstərici ilə qərarlaşıb.

Renkinqdə 20 bankın göstəricisi yer alıb. Siyahıda kreditlər üzrə ən aşağı faiz gəliri Bank Avrasiyada qeydə alınıb. Bankın bu istiqamətdə gəliri 10 milyon 531 min manat təşkil edib.

Ümumilikdə, 30 sentyabr 2026-cı il tarixinə bankların kreditlər üzrə gəlirləri 3 milyard 379,7 milyon manat olub. Bu göstərici ötən ilin eyni dövrü ilə müqayisədə 492,7 milyon manat və ya 17,1 faiz çoxdur.

]]> true https://1business.media/statistika/269-kredit-faizlerinin-en-asagi-oldugu-rayonlar-aciqlanib.html Tural Statistika Tue, 03 Nov 2026 15:04:44 +0400

Kredit faizlərinin ən aşağı olduğu rayonlar açıqlanıb

1business.media xəbər verir ki, 30 sentyabr 2026-cı il tarixinə Azərbaycanda milli valyutada verilən uzunmüddətli kreditlər üzrə orta faiz dərəcələri iqtisadi rayonlar arasında fərqlənib.

Ən aşağı orta faiz Bakı iqtisadi rayonunda qeydə alınıb. Burada uzunmüddətli manat kreditləri üzrə orta faiz dərəcəsi 14,71 faiz təşkil edib. Kreditlərin ümumi məbləği isə 16 milyard 339,2 milyon manat olub.

Naxçıvan iqtisadi rayonunda orta faiz 15,53 faiz, Şərqi Zəngəzurda 16,48 faiz, Abşeron-Xızı iqtisadi rayonunda 17,23 faiz, Quba-Xaçmaz iqtisadi rayonunda isə 18,38 faiz olub.

Beləliklə, uzunmüddətli manat kreditləri üzrə ən aşağı faiz göstəricisinə malik beş iqtisadi rayon Bakı, Naxçıvan, Şərqi Zəngəzur, Abşeron-Xızı və Quba-Xaçmazdır.

]]> true https://1business.media/statistika/264-xususi-sertlerle-pensiya-alanlarin-sayi-artib.html Tural Statistika Tue, 03 Nov 2026 13:20:09 +0400

Xüsusi şərtlərlə pensiya alanların sayı artıb

1business.media xəbər verir ki, Azərbaycanda xüsusi şərtlərlə əmək pensiyası alanların sayı son bir ildə 2 399 nəfər və ya 1,6% artaraq 151 963 nəfərə çatıb. Bu barədə Dövlət Sosial Müdafiə Fondu məlumat yayıb.

2026-cı ilin oktyabrında xüsusi şərtlərlə pensiya alanların 116 561 nəfəri yaşa, 12 184 nəfəri əlilliyə, 23 218 nəfəri isə ailə başçısını itirməyə görə pensiya alıb.

Yaşa görə xüsusi şərtlərlə pensiya alanların sayı ötən ilin eyni dövrü ilə müqayisədə 3 313 nəfər və ya 2,9% artıb. Bu göstərici 113 248 nəfərdən 116 561 nəfərə yüksəlib.

Əlilliyə görə xüsusi şərtlərlə pensiya alanların sayı isə 14 180 nəfərdən 12 184 nəfərə düşüb. Bu, 1 996 nəfər və ya 14,1% azalma deməkdir.

Ailə başçısını itirməyə görə xüsusi şərtlərlə pensiya alanların sayı da 22 136 nəfərdən 23 218 nəfərə yüksəlib. Artım 1 082 nəfər və ya 4,9% təşkil edib.

Ümumi artım əsasən yaşa və ailə başçısını itirməyə görə xüsusi şərtlərlə pensiya alanların sayının çoxalması hesabına formalaşıb.

]]> true https://1business.media/statistika/258-azerbaycanda-muessiselerin-legvi-88-artib.html Tural Statistika Tue, 03 Nov 2026 13:01:07 +0400

Azərbaycanda müəssisələrin ləğvi 88% artıb

1business.media xəbər verir ki, Azərbaycanda 2026-cı ilin yanvar–sentyabr aylarında ləğv edilən müəssisə və təşkilatların sayı ötən ilin eyni dövrü ilə müqayisədə 88% artıb.

Dövlət Statistika Komitəsinin məlumatına görə, hesabat dövründə 1 032 statistik vahid ləğv edilib. Ötən ilin ilk doqquz ayında bu göstərici 549 olub. Beləliklə, bir il ərzində ləğv edilən vahidlərin sayı 483 artıb.

Ləğvetmələrin əsas hissəsi bələdiyyə mülkiyyətli qurumların payına düşüb. Bu kateqoriyada ləğv edilən vahidlərin sayı 95-dən 633-ə yüksəlib. Göstəriciyə bələdiyyələrin özləri də daxildir.

Özəl müəssisələrin ləğvində isə azalma qeydə alınıb. 2025-ci ilin yanvar–sentyabr aylarında 296 özəl müəssisə ləğv edildiyi halda, 2026-cı ilin eyni dövründə bu rəqəm 254 olub.

Hesabat dövründə Azərbaycanda 10 247 yeni statistik vahid yaradılıb. Bu, ötən ilin eyni dövrü ilə müqayisədə 820 vahid və ya 7,4% azdır.

2026-cı il oktyabrın 1-nə ölkədə qeydiyyatda olan statistik vahidlərin sayı 235 858-ə çatıb. Bu göstərici bir il ərzində 12 635 vahid və ya 5,7% artıb.

Qeyd edək ki, statistik göstəricilərə fərdi sahibkarlar daxil edilmir.

]]> true https://1business.media/statistika/249-bokt-lerin-qeyri-faiz-gelirleri-303-milyon-manati-kecdi.html Tural Statistika Mon, 02 Nov 2026 15:59:19 +0400

BOKT-lərin qeyri-faiz gəlirləri 303 milyon manatı keçdi

1business.media xəbər verir ki, Azərbaycanda fəaliyyət göstərən bank olmayan kredit təşkilatlarının (BOKT) 2026-cı ilin yanvar-sentyabr aylarında qeyri-faiz gəlirləri 303,5 milyon manat təşkil edib.

Bu göstərici ötən ilin eyni dövrü ilə müqayisədə 135,8 milyon manat və ya 81 faiz çoxdur. 2025-ci ilin ilk doqquz ayında BOKT-lərin qeyri-faiz gəlirləri 167,7 milyon manat olub.

Hesabat dövründə BOKT-lərin faiz gəlirləri də artıb. Kreditlər üzrə faiz gəlirləri 42,9 faiz yüksələrək 231,9 milyon manata çatıb. Faiz xərcləri isə 44,2 milyon manat olub.

Nəticədə sektorun xalis faiz gəliri 190,5 milyon manata yüksəlib. BOKT-lərin əməliyyat mənfəəti 307,9 milyon manat, xalis mənfəəti isə 153,4 milyon manat təşkil edib.

Sentyabrın sonunda BOKT-lərin kredit portfelinin həcmi 1 milyard 376,2 milyon manat olub.

]]>