BANM rektoru tələbə və valideynlərlə görüşüb

Bakı Ali Neft Məktəbinin rektoru Elmar Qasımov yataqxanada yaşamaq üçün müraciət edən birinci kurs tələbələri və onların valideynləri ilə görüşüb.

1business.media BANM-in məlumatına istinadən xəbər verir ki, görüşdə yataqxananın davranış qaydaları və daxili təlimatlarına riayətin vacibliyi vurğulanıb, iştirakçıların sualları cavablandırılıb.

Qeyd edək ki, BANM tələbələrinə təhsil müddətində yataqxanada ödənişsiz yaşayış imkanı təqdim olunur.

Brauzerdə işləri avtomatlaşdıran startap 3 milyon dollar toplayıb

Fransa–ABŞ süni intellekt startapı “Reduck” ilkin investisiya raundunda 3 milyon dollar cəlb edib.

1business.media Tech.eu-ya istinadən xəbər verir ki, şirkət süni intellekt köməkçilərinin internet saytları və biznes tətbiqlərində tapşırıqları daha sürətli yerinə yetirməsi üçün platforma hazırlayır.

Həll təkrarlanan brauzer əməliyyatlarında əvvəlcədən hazırlanmış avtomatlaşdırma ssenarilərindən istifadəni nəzərdə tutur. Məqsəd vaxt və hesablama resurslarına qənaət etməkdir.

Moldovada xəstəxanaların enerji xərclərinin azaldılmasına investisiya

Moldovada iki böyük xəstəxanada təmir və enerji səmərəliliyi işlərinə başlanılıb.

1business.media Avropa İnvestisiya Bankına istinadən xəbər verir ki, işlər 10 xəstəxananı əhatə edən 72,4 milyon avroluq proqramın tərkib hissəsidir.

Layihədə istilik izolyasiyası, qapı-pəncərələrin dəyişdirilməsi, istilik sistemlərinin modernləşdirilməsi və günəş panellərinin quraşdırılması nəzərdə tutulur. Proqram üzrə enerji istehlakının təxminən 40 faiz azalması gözlənilir.

Enerji və sənaye obyektlərinin kibermüdafiəsi

Kritik infrastrukturun müdafiəsinə 7 milyon avroluq investisiya

Niderlandın “Indurex” şirkəti enerji, neft-qaz, istehsal və digər kritik infrastruktur obyektlərinin təhlükəsizliyini gücləndirmək üçün 7 milyon avro investisiya cəlb edib.

1business.media şirkətin açıqlamasına istinadən xəbər verir ki, raunda “Contrarian Ventures” rəhbərlik edib.

Platforma kibertəhlükəsizlik məlumatlarını mühəndislik və istehsal proseslərinin göstəriciləri ilə birləşdirərək risklərin aşkarlanmasına kömək edir.

Vəsait tədqiqat və məhsul inkişafına, eləcə də Avropa və Yaxın Şərqdə kommersiya fəaliyyətinin genişləndirilməsinə yönəldiləcək.

Şarj kabellərinin oğurluğuna qarşı yeni həll

Elektromobil şarj kabellərinin oğurluğu yeni müdafiə biznesi yaradıb

Avropada elektromobil şarj kabellərinin oğurlanması operatorlar üçün əlavə təmir xərcləri və xidmət fasilələri yaradır.

1business.media Tech.eu-ya istinadən xəbər verir ki, Britaniyanın “Formula Space” şirkəti bu problemə qarşı “CableGuard V4” qoruyucu həllini təqdim edib.

Kabelin üzərinə yerləşdirilən örtük onun kəsilməsini çətinləşdirməyə və oğurluq üçün tələb olunan vaxtı artırmağa hesablanıb.

Şirkətin bildirdiyinə görə, həll mövcud şarj qurğularına təxminən 20 dəqiqəyə quraşdırıla bilir.

Texnologiyanın məqsədi kabellərin oğurlanmasını qeyri-mümkün etmək deyil, hücumu çətinləşdirərək operatorların zərərini və dayanma riskini azaltmaqdır.

Fələstində yaşıl investisiyalara dəstək

Fələstində enerji xərclərini azaltmaq üçün 25,9 milyon avroluq proqram

Avropa Yenidənqurma və İnkişaf Bankı ilə Avropa İttifaqı Fələstin iqtisadiyyatında yaşıl investisiyaları dəstəkləyən maliyyələşmə proqramını işə salıb.

1business.media AYİB-in məlumatına istinadən xəbər verir ki, proqramın maliyyə həcmi 25,9 milyon avrodur.

Vəsait yerli tərəfdaş maliyyə qurumları vasitəsilə bərpa olunan enerji, enerji və resurs səmərəliliyi, yaşıl binalar və tullantıların idarə olunması layihələrinə yönəldiləcək.

Şərtlərə uyğunluğu təsdiqlənmiş investisiyalar üçün Aİ tərəfindən 25 faizədək maliyyə təşviqi də nəzərdə tutulur.

Proqram müəssisələrin və ev təsərrüfatlarının xərclərini azaltmağı, həmçinin qadın sahibkarların maliyyəyə çıxışını genişləndirməyi hədəfləyir.